“Бавария” раҳбарияти жамоа голкипери Мануэль Нойер намойиш қилаётган ўйиндан қониқиш ҳосил қилаяпти ва унга янги шартнома имзолашни таклиф этиши мумкин, деб ёзмоқда Kicker хабарига таяниб Championat.com.
Хабарга кўра, Германия гранди “Бундестим” посбонига янги 2021-йилгача мўлжалланган битим таклиф этади. Эслатиб ўтамиз, Нойернинг клуб билан амалдаги келишуви 2019-йилгача тузилган.
Маълумот ўрнида: Нойер 2011-йилгача “Шальке-04”да ўйнаган ва шу йили мюнхенликлар таркибига келиб қўшилганди. Аввалига “Бавария” мухлислари ушбу трансфердан норози бўлишган ва футболчини ўйинлар ватқида ҳуштаквозликлар билан қаршилашганди, аммо вақт ўтиши билан Нойер вазиятни яхши томонга ўзгартира олди ва клубнинг етакчи футболчиларидан бирига айланди.
