Бугун Ўзбекистон миллий жамоаси Қатар пойтахти - Доха шаҳридаги Grand Hamad Stadiumда ЖЧ-2018|ОК-2019 қўшма саралаши доирасида Яман термаси билан куч синашади.
Биз одатимизга кўра, машғулот якунида айрим футболчиларимизга юзланиб, уларнинг фикрлари билан қизиқдик.
Александр Лобанов (терма жамоамиз дарвозабони):
- Корейсларга қарши учрашувда бизни ғалабадан бошқаси қаноатлантирмасди. Ахир гуруҳда 1-ўрин учун курашаётган рақиб билан ўйнаганда, натижа биринчи ўринга чиқади. Қисқаси, дуранг қайд этишга ҳам ҳаққимиз йўқ эди. Ўйин биз учун кутилмаган гол билан бошланиб, кутилган ғалаба билан якунланди. Стадионни тўлдириб, бор кучлари билан қўллаб-қувватлашган мухлисларга алоҳида миннатдорчилик билдираман. Бунақаси анчадан буён кузатилмаганди. Асосийси, улар доимо терма жамоага ишонишса, бас. Гуруҳимизнинг иккинчи ўйинида Яман терма жамоаси «совға» эмаслигини исботлади. Ҳарқалай, уни ҳисобдан чиқариш нотўғри. КХДР термаси ҳам яманликларни зўрға - 1:0 ҳисобида ютганди. Табиийки, шулардан хулоса чиқарган ҳолда, ўйинга жиддий тайёргарлик кўрмоқдамиз. Имкониятни қўлдан чиқариш мумкин эмас...
Камолиддин АЛИМОВ
