Франция терма жамоаси ҳужумчиси Антони Марсяль Англияга қарши ўтказилган ўртоқлик учрашуви вақтида(0:2) жароҳат олган.
19 ёшли форвард “Уэмбли”ни қўлтиқтаёқда тарк этган ва унинг оёғи бинт билан қалин қилиб ўраб қўйилганди.
Аммо “учранглилар” бош мураббийи Дидье Дешам Марсялнинг жароҳати жиддий эмаслигини маълум қилган.
“Марсяль ўйиндан кейин оёғида оғриқ ҳис қилди. Жарима майдончаси ичида оёғига зарба берилган. Менимча бу у қадар жиддий жароҳат эмас ва Антони тез орада сафга қайтса керак”, – дея Дешам сўзларини келтиради ESPN га таяниб Sports.ru.
