Олий лиганинг ушбу мавсумдаги сўнгги туридаги "Машъал" - "Насаф" учрашувидан сўнг жамоамиз бош мураббийи Рўзиқул Бердиев ўз фикрларини билдирди.
- Бугун мухлислар очиқ ва ҳужумкор футбол томоша қилишди. Ҳар иккала жамоалар ҳам кўплаб вазиятларни содир этишди. "Машъал" жарима зарбасидан унумли фойдаланди ва шунинг ҳисобида бугун ғалабани тантана қилди. Биз бу ўйинга кўпроқ ёшларга эътибор қилдик. Ушбу баҳсда асосий таркибимиздаги олти нафар футболчимиз майдонга тушмади. Мағлубиятга учрашимизга шу омил ҳам сабабчи бўлган бўлиши мумкин. Ёшларга эътиборимизни кўпро қаратамиз. Умумае мавсум биз учун муваффақиятли якунланди. Жамоамиз ўз тарихида илк бор мамлакат кубогини қўлга киритди. Шунингдек, тўққизинчи бор бронза медалларига эга чиқдик. Ўйлайманки, жамоамиз бу йилги мавсумда ўз олдига қўйилган вазифани аъло даражада уддалади.
