“Бунёдкор” футбол клуби ташаббуси билан “Дарвозабон ярим жамоа!” шиори остида очиқ машғулот ўтказилди. Унда “Бунёдкор”нинг асосий дарвозабонлари мураббайи Абдусаттор Раҳимовдан тортиб, “қалдирғочлар” академиясидаги энг кичик посбонларигача иштирок этишди.

Ташкил этилган очиқ машғулотлардан сўнг “Бунёдкор”нинг асосий дарвозабонлар мураббийи Абдусаттор Раҳимов ўз фикрлари билан ўртоқлашди.

– Бугунги тадбир жуда яхши ташкил этилган. Ёш дарвозабонлар учун ўзига хос мастер-класс. Бизнинг академиямиздан охирги пайтларда яхши дарвозабонлар етишиб чиқишмоқда. Тажрибали посбонлар “Бунёдкор” шарафини ҳимоя қилишмоқда. Масалан, Павел Бугала, Муроджон Зухуров, Акбар Тўраев ва бошқалар. Павел Бугаланинг маҳоратини, нималарга қодирлигини ҳамма яхши билади. Муроджон Зухуров эса миллий терма жамоамизга чақирилмоқда. Акбар Тўраев ва Абдукарим Муҳамедов каби посбонларимиздан умидимиз катта. Бундан кейин ҳам яхши дарвозабонлар тарбиялашда давом этамиз, – дейди Абдусаттор Раҳимов.