Ҳозиргина якунланган “Футбол шарҳи” кўрсатувида “Бухоро” аъзоси Азиз Ибрагимов меҳмон бўлди. Футболчи бир қатор фикрларни айтиб ўтди.
- “Динамо”да клуб раҳбариятини алмаштириш керак. Сабаби, жамоанинг муваффақиятсизлигида кўпроқ ташкилотчилик айбдор. Жамоада ўйнаб юрган вақтларимизда керак бўлса, кирларни футболчиларнинг ўзлари юварди. Кир ювиш машинасида муаммо борлиги сабаб навбат кутиб қолардик. Жамоа ҳар доим ҳам машғулотларни асосий майдонда ўтказмасди. Машғулот учун четга чиқардик. Бундай масалаларни ҳам кўпроқ футболчилар ҳар қиларди.
“Бухоро”да аксинча, раҳбарият нима ваъда берган бўлса, барчасини бажарди. Базада ҳар бир хонага телевизорми, симсиз интернетми, озиқ-овқат масаласими? Хуллас, ташкилий томондан муаммо бўлгани йўқ. Якунда натижа ҳам шунга яраша бўлди.
