«Манчестер Сити» клубининг расмий эмблемаси ўзгаради. Бу ҳакда жамоанинг расмий сайти хабар бермоқда.
Бу ислоҳат жамоа мухлисларининг талабидан келиб чиқиб амалга оширилмоқда. Аввалроқ клуб ўзининг расмий сайтида бўлажак эмблема қандай бўлиши кераклиги тўғрисида сўровнома ўтказганди. Ушбу сўровнома натижаларига кўра энди “шаҳарликлар”нинг эмблемаси айлана шаклида бўлади. Шунингдек олдинги эмблемадаги қуш ва уч юлдуз олиб ташланади.
“Биз ўз дизайнерларимиз билан янги эмблема борасида ишламоқдамиз. Биз учун мухлисларнинг фикри биринчи навбатда туради. Яқин орада янги эмблема остида иш бошлаймиз”, -дейилади баёнотда.
