Москванинг “Локомотив” ҳамда Ўзбекистон миллий терма жамоаси ҳимоячиси Виталий Денисов “Спортинг”га қарши Европа Лигаси 5-тур учрашуви арафасида ўз фикрларини билдириб ўтди.
“Спортинг” – яхши шаклланган, таркибида кўп сонли ёш иқтидорли футболчиларга эга тезкор жамоа. Ўтган ўйиндан сўнг менда айнан шунда таассурот қолди. Аммо эртага улар қандай таркибни майдонга тушириши менга қоронғу.
– Нима деб ўйлайсиз, учрашув ҳал қилувчи аҳамият касб этадими?
– Агар биз эртага гуруҳдан чиқиш масаласини ҳал қилиб қўйсак ҳам сўнгги турда барибир “Скандербеу”га қарши майдонга тушишимизга тўғри келади. Биз иккала учрашувда ҳам фақат ғалаба учун тўп суришни мақсад қилганмиз”, - деди Денисов “СЭ” нашрига берган интервьюсида.
