Кеча Испания чемпионатининг 14-турида "Барселона" сафарда "Валенсия" билан дуранг ўйнади. Биз ўйинга оид 15 фактни эътиборингизга хавола этамиз.

1. "Валенсия" ва "Барселона" Испания чемпионатидаги ўзаро 162-учрашувини ўтказишди.
2. Жамоалар 42-марта муроса кўчасини танлашди. "Барса"да 79, "Валенсия"да эса 41 ғалаба мавжуд.
3. "Кўршапалаклар" 79, "кўк анорранглилар" эса 222-голини киритишди.
4. "Валенсия" ўз майдонида "Барселона" ни қаторасига тўққиз ўйиндан буён мағлуб эта олмаяпти.
5. Шу тариқа "кўршапалаклар"нинг ғалабасиз сериялари тўрттага етди.
6. "Кўршапалаклар"нинг ўз майдонидаги мағлубиятсиз серияси 7 тага етди.
7. "Барселона" нинг мағлубиятсиз серияси эса 12 тага етди.
8. "Барселона" футболчиси Хавьер Маскерано клубдаги 250-учрашувини ўтказди.
9. Маскеранонинг "Барса"даги голсиз серияси 250-ўйинга етди. Аргентиналик ҳали Каталонияликлар таркибида бирорта ҳам гол урмаган. Умумий ҳисобда у фаолияти давомида 517 ўйинда 5 та гол урган холос.
10. Луис Суарес "Барселона"даги 44, фаолиятидаги 310-голини урди.
11. Суарес фаолияти давомида илк маротаба кетма-кет саккизта учрашувда ўз ҳисобига гол ёздириб қўя олди.
12. Месси Каталонияликлар таркибидаги 496-ўйинини ўтказди. У бу учрашувларда 421 та голга муаллифлик қилган.
13. Неймар эса "Барса" учун 110-марта майдонга тушди. Бразилиялик ҳисобида 70 гол мавжуд.
14. "Валенсия" ҳужумчиси Санти Мина ушбу мавсумдаги илк голини урди.
15. Минанинг Испания чемпионатидаги урган голларининг умумий сони 10 тага етди.

Фурқат Юсупов тайёрлади