“Челси” дарвозабони Тибо Куртуа ЕЧЛ гуруҳ босқичидан ўрин олган “Порту”га қарши ўйиндан олдин Икер Касильясга қарши майдонга тушиш унинг учун фахр эканлигини айтиб ўтди. Бу ҳақда УЕФА расмий сайти маълум қилган.

"Ўтган мавсумда ажойиб ҳаракат қилган жамоадошларим бу йил унчалик ҳам ўзларини кўрсата олишмаяпти. Биз ҳаммасини олдингидек қилишга уринмоқдамиз. Бироқ ҳозирча натижага эришганимизча йўқ. Барча айбни мураббийга тўнкаш осон. Лекин биз бир жамоамиз. Натижалар учун ҳаммамиз бирдек жавобгармиз.

Икер Касильяс ҳар доим менинг кумирим бўлиб келган. Мен унга қарши кам ўйнаганман. Унда ажойиб реакция бор. Бизнинг ҳужумчиларимизнинг унга гол уришлари осон бўлмайди. Лекин улар бу вазифани уддалай олишларига умид қиламан", - дейди Куртуа.