Ҳужумчи Карим Бензема Франция терма жамоасидан четлатилди. Карим жамоадоши Матьё Вальбуэнага нисбатан товламачиликда айблангани учун шундай жазога муносиб кўрилди.
Бу ҳақда Франция футбол федерацияси президенти Ноэль Ле Гре махсус ташкил этилган матбуот анжуманида эълон қилди.
«Бензема терма жамоанинг март ойидаги йиғинига таклиф этилмайди. Агар вазият ўзгармаса у Евро-2016да иштирок этадиган таркибга ҳам киритилмайди», – деди Ле Гре.