"Челси" клуби ҳужумкор ярим ҳимоячиси Эден Азар Англия чемпионати 16 турида "Лестер"га қарши кечган баҳсда (2:1) жароҳат олди.
Учрашувнинг 30 дақиқасида "Лестер" ҳужумчилари Жейми Варди ва Леонардо Ульоа Азарга қаршилик қилганлар. Бельгиялик футболчи елкасини ушлаган ҳолда майдонга йиқилган.
Азар шифокорлар назорати остида майдонни тарк этган ва унинг ўрнига Педро ўйинни давом эттирган. Ҳозирча футболчи қанча муддатга сафдан чиққани маълум эмас.













