Бугун ЎФФ матбуот анжуманлар залида 2016 йилги олий лигага қуръа ташлаш маросими ўтказилди.
Унга кўра, жамоамиз кейинги йилги чемпионатни ўз майдонида Олий лига дебютанти Тошкентнинг “Обод” клубига қарши баҳс билан бошлайдиган бўлди.
Иккинчи турда мамлакат чемпиони – “Пахтакор” меҳмони бўламиз. Эсингизда бўлса, якунига етган биринчиликнинг 2-турида ҳам “Шерлар” билан тўқнаш келгандик. Фақат бу сафарги баҳс Тошкентда ўтади.
Мухлисларнинг катта қизиқишига сабаб бўлаётган вилоят дербиси 11-турда бўлиб ўтади. “Нефтчи”га қарши биринчи учрашув Фарғонада ўтказилади.
