"Реал"нинг собиқ бош директори Хорхе Вальдано жамоанинг собиқ бош мураббийи Жозе Моуриньонинг Мадридга қайтишини истамаяпти.

Моуриньо Вальданонинг "Реал"дан кетишига сабаб бўлган, португалиялик мураббийнинг ташаббуси билан клуб президенти Флорентино Перес унга чиқиш эшикларини кўрсатган эди. У вақтда Вальдано Переснинг ўнг қўли бўлишига қарамай, Моуриньонинг таъсир доираси кенгроқ эди. "Мадридизм" вакили сифатида Моуриньонинг "Реал"га қайтишига ишонмаган ва истамагн бўлар эдим", - дейди Вальдано.

Аввалроқ, ОАВ мадридликлар яқинда "Челси"дан бўшаган Моуриньони клубга қатйтариш учун жиддий киришганлиги хабар қилинган эди. Моуриньо 2010*2013 йилларда "Реал"ни бошқарган ва Испания кубоги, Испания чемпионлиги ва Испания Суперкубогида ғалаб қозонган. Унинг бошқаруви даврида "Реал" ва "Барселона" ўртасида майдон ва унинг ташқарисида ҳам мисли кўринмаган рақобат ва зиддият юзага келган эди. Бундан ташқари, Моуриньо Икер Касильяс ва жамоанинг бошқа етакчилари билан зиддиятга борган эди.