Хабарингиз бор, “Бухоро” жамоаси 14 декабрдан янги мавсумга тайёргарликка киришганди.
Бухороликлар дастлабки йиғинни Тошкентда олиб боришмоқда. Мазкур йиғинда мураббийлар асосан футболчиларнинг жисмоний ҳолатини тиклашга катта урғу беришяпти.
Унда асосан маҳаллий ўйинчилар қатнашмоқда. Азиз Ибрагимов айни пайтда Чехияда ҳордиқ чиқараётгани сабаб жамоанинг илк йиғинида қатнашмади. Футболчи янги йилдан сўнг ўтказиладиган иккинчи йиғинда жамоа ихтиёрига етиб келади.
Таъкидлаш жоиз, “Бухоро”нинг дастлабки йиғини эртага якунига етади. Янги йил муносабати билан жамоага қисқа таътил берилади ва 4 январ куни яна пойтахтда машғулотлар давом эттирилади.
