Дортмунднинг "Боруссия" клуби ҳужумчиси Пьер-Эмерик Обамеянг жамоасининг бугунги машғулотларини ўтказиб юборди. Сабаби у эртага Африканинг 2015 йилдаги энг яхшиларини тақдирлаш маросимида иштирок этиш учун жўнаб кетган.
26 ёшли футболчи "Манчестер Сити" аъзоси Яя Туре ва "Суонси" аъзоси Андре Айю билан бирга "қора қитъа"нинг "энг яхши футболчи" мукофотига номзодларидан ўрин олган.
"Боруссия Д" ҳужумчиси бу мавсум барча турнирларда 27 учрашувда майдонга тушиб, 27 голга муаллифлик қилган ва чемпионатда 18 гол билан тўпурарлар рўйхатини бошқариб бормоқда.
