Ўзбекистон олимпия терма жамоаси Осиё чемпионати олдидан сўнгги ўртоқлик учрашувини ўтказди. Самвел Бабаян шогирдларининг бу галги рақиби Иордания олимпиячилари бўлди.
Учрашувнинг дастлабки бўлимида ҳисоб очилмади. Ўйининг 64-дақиқасида бурчакдан етказиб берилган тўпни Игорь Сергеев боши билан дарвозага йўллади. Орадан кўп ўтмасдан Маҳмуд Ал Мрди ҳисобни тенглаштирди.
Ўйин тугашига 12 дақиқа қолганида Игор Сергеев яна бир марта ўз ҳисобига гол ёзди. У Акром Комилов бошлаган ҳужумни гол билан якунлади.
Шу тариқа, ўртоқлик ўйини 2:1 ҳисобида ўзбекистонликларнинг ғалабаси билан якунланди.
Ўзбекистон U23 терма жамоаси Осиё чемпионатидаги ўзининг илк баҳсини 13 январь куни Жанубий Кореяга қарши ўтказади.
Халқаро ўртоқлик учрашуви
Ўзбекистон U23 - Иордания U23 - 2:1
Голлар: Игорь Сергеев (64, 78) — Маҳмуд Ал Мрди (68)
Ўзбекистон U23: Абдумавлон Абдужалилов, Акромжон Комилов, 4.Жамшид Болтабоев, Достонбек Турсунов, Владимир Козак, Жавоҳир Соҳибов, Жамшид Искандеров, Игорь Сергеев, Достонбек Ҳамдамов, Отабек Шукуров, Элдор Шомуродов