«Навбаҳор» янги мавсумга тайёргарликни давом эттирмоқда. Машғулотлар олиб борилаётган бир паллада таркибда ҳам ўзгаришлар рўй бермоқда.

Хусусан, бугун жамоа сафига ўтган мавсум биринчи ярмини “Бунёдкор”да, иккинчи даврани эса “Олмалиқ” клубида ўтказган ярим ҳимоячи Обид Жўрабоев келиб қўшилди. Айни пайтда Жўрабоевда кичик жароҳат борлиги сабабли бугун якка тартибда шуғулланди. Шунингдек, олдинги мавсумларда “Насаф” таркибида шуғулланган дарвозабон Музаффар Тўхтасинов ҳам мавсумга тайёргарликни жамоамиз билан бирга олиб бормоқда.

Мураббийлар бугун машғулотларда иштирок этаётган футболчиларнинг майдондаги ҳаракатларини кузатиш ва спорт формаларини қай даражадалигини билиш мақсадида икки томонламали назорат ўйинини ташкил этишди. Тўрақўрғондаги “Ёшлик” ўйингоҳида бўлиб ўтган учрашувда “қизиллар” жамоаси 4:0 ҳисобида ғалаба қозонишди. Голларга Алишер Маҳмудов (2 та), Тимур Аюпов ва Мўйдин Мамазулумов (пенальтидан) муаллифлик қилишди. Таркиблар эса қуйидагича кўринишга эга бўлди.

“Қизиллар”: Музаффар Тўхтасинов, Ботир Тўрабоев, Қаҳрамон Маҳаммаджонов, Дилшод Жабборов, Акрам Баҳриддинов, Азиз Мамазоитов, Отабек Валижонов, Тимур Аюпов, Алишер Маҳмудов, Мўйдин Мамазулумов, Азизбек Турғунбоев. Захирадан майдонга тушганлар: Омон-Биик Халилов, Соҳиб Абдуллаев, Жамол Абдужабборов, Сардор Теляков.
“Оқлар”: Амир Эргашев, Мирзоҳид Собиров, Азиз Умаров, Аъзам Алиев, Муҳаммад Расулов, Ҳожиакбар Юнусов, Санжар Асқаралиев, Зокир Нурматов, Абдуазиз Султонов, Ғайрат Жўраев, Акбаршо Рашидханов. Захирадан майдонга тушганлар: Отабек Валижонов, Дониёр Инамов, Ислом Жўраев, Билол Шарофиддинов, Ботир Каримжонов, Фарҳод Шокиров, Муҳаммадризо Тўраев.