Ўтган 2015 йилги мавсумни Тошкентнинг “Локомотив” жамоасида ўтказган тажрибали ҳимоячи Шавкат Муллажоновнинг куни кеча Шаржанинг “Ал Шааб” клуби билан шартнома имзолгани ҳақида хабар берган эдик.
29 ёшли футболчи янги жамоаси сафида ўзига рақам танлади. Унга кўра, Муллажонов “Ал Шааб” таркибида 62-рақам остида ҳаракат қилади. Футболчи кеча янги клуби билан машғулотда иштирок этишга ҳам улгурди. Бугун эса Шавкат Муллажонов БАА Про Лигасида дебют қилиш имконига эга бўлади.
Маълум бўлишича, “Ал Шааб” бугун Про Лига 14-тур учрашувлари доирасида “Бани Яс” клуби уйига сафар уюштиради. Мазкур матчда катта эҳтимол билан ҳамюртимиз дебют ўйинини ўтказади. Ўйин бизнинг вақтимиз билан соат 20:45да старт олади.
Таъкидлаб ўтамиз, Шавкат Муллажонов илгари “Ал Аҳли” (Қатар), “Ал Наср” (Саудия Арабистони) ва “Лиаоннинг” (Хитой) каби хориж жамоаларида тўп сурганди.
