Аввал хабар қилганимиздек, Тошкентнинг "Локомотив" клуби янги мавсумга тайёргарликни ўташ учун Дубайга жўнаб кетганди.
Кечадан бошлаб “Локомотив” футболчилари янги мавсумга тайёргарликка зўр беришди. Янги йилдан сўнг Тошкентда тўпланган футболчилар танаффусдан кейинги тикланиш машқларини бажариш билан чекланишганди. Дубайда эса энди улар жисмоний тайёргарлик устида тинимсиз иш олиб боришади.
Режага кўра, жамоа аъзолари 23 январга қадар Дубайда истиқомат қилишади ҳамда машғулот олиб боришади. “Локомотив” 23 январга қадар 3 та ўртоқлик ўйинида иштирок этади. Биринчи синов-назорат учрашуви Саудия Арабистони вакили “Ал-Аҳли”га қарши бўлиб ўтади. Ушбу ўйин 15 январь куни бўлиб ўтиши кўзда тутилган.