«Арсенал» ярим ҳимоячиси Месут Ўзил Германия терма жамоасининг 2015 йилдаги энг яхши футболчиси деб топилди.
Германия футбол федерациясининг расмий сайтида ўтказилган сўровномада мухлисларнинг 45,9 фоизи ўз овозларини 27 ёшли футболчига беришган.
Ўзил сўровномада «Бавария» ҳужумчиси Томас Мюллер (15,9%) ва Йонас Хекторни (13,6%) ортда қолдирган.
Таъкидлаш лозим, сўнгги 5 йилнинг 4тасида ушбу соврин Ўзилга насиб этган.













