«Майнц» жамоаси ярим ҳимоячиси Юнус Малли Дортмунднинг «Боруссия» жамоаси сафига ўтиш арафасида турибди.
Bild нашрининг хабар беришича, «Боруссия» туркиялик ушбу ёш футболчи билан 4 йиллик шартнома тузиш борасида оғзаки келишувга эришган.
Дортмундликлар Маллига 13 млн евро тўлашга тайёрлигини билдирган.
Айни вақтда бу трансферга «Майнц» жамоаси розилигини кутишмоқда. Жамоа уни қўйиб юборишдан аввал унинг ўрнига қайси футболчини олиб келишни аниқлаб олиши керак бўлади.
«Ҳозирча биз «Боруссия» билан ҳеч қанақа келишувга эришмадик. Ҳали аниқ гап айтилмаган», дейди жамоа спорт директори Кристиан Хайдель.
«Боруссия» спорт директори Михаэль Цорк эса бу хабарга муносабат билдирмаган.
