Gazzetta dello Sport "Интер" устози Роберто Манчини 2001 йилда ўз мухбирини ҳақорат қилганини маълум қилди.
Ўша йилда газетада "Фиорентина" яримҳимоячиси Амарал жамоа устози Манчини билан жанжаллашгани туфайли машғулотда қатнашмаётгани ҳақида хабар чоп этган эди. Клуб эса футболчи дам олиш уун ватани Бразилияга йўл олгани ҳақида расмий хабар билан чиққан.
Бу хабарни ёзган журналист бош мураббий билан суҳбат учун клубга чақирилган ва суҳбат давомида Манчини уни ҳақорат қилган. Мухбир хонани тарк этмоқчи бўлганида, Манчини унга "Бу ёққа кел, бесоқолбоз" деган.
"15 йилд инсоннинг қарашлари ўзгариши мумкин. Манчинининг Сарри сўзларига муносабати бунга мисол", - деб ёзади Gazzetta dello Sport.
Эслатиб ўтамиз, Роберто Манчини Италия кубоги 1/4 финалида "Наполи"га қарши учрашувдан сўнг рақиб бош мураббийи Маурицио Сарри ўзини худди шундай ҳақорат қилганини эълон қилган эди. Бунинг учун Сарри икки ўйинга четлатилди.