Муборакнинг “Машъал” жамоаси янги мавсумга ҳозирликни давом эттирмоқда.
Бироз олдин хабар берганимиздек, “газчилар” бугун “Бухоро”га қарши синов-назорат баҳсида майдонга тушишди ва кичик ҳисобда ғалабага эришишди.
Клуб расмий твиттерининг ёзишича, “Машъал” машғулотларига тажрибали ҳужумчи Шаҳбоз Эркинов келиб қўшилди. Биласиз, Эркинов ўтган мавсумни “Навбаҳор” клуби таркибида ўтказган эди. Ушбу футболчи яқинда Малайзиянинг “Т-Тим” жамоаси кўригида ҳам қатнашиб келди.
Унинг “Машъал” йиғинига қўшилганини инобатга олсак, агар маҳоратли футболчи муборакликлар билан келиша олса, янги мавсумни катта эҳтимол билан “Машъал”да ўтказади.