Бугун жамоамиз Тошкентда Жиззахнинг “Сўғдиёна” жамоасига қарши назорат учрашувида майдонга чиқиб, ишончли ғалабага эришди.

Учрашувнинг биринчи бўлимида ҳисоб очилмаган бўлсада, иккинчи бўлим бошларида вакилларимиз тезкор иккита гол киритиб, ташаббусни ўзлари томонга оғдириб олишди. Дастлаб ўнг қанотдан узатилган тўпни Бобур Абдуҳолиқов рақиб жарима майдончаси ичида ажойиб тарзда қабул қилиб олди ва ҳимоячиларни чалғитиб, учрашувда ҳисобни очди. Орадан кўп ўтмай Артур Геворкяннинг ўнг бурчакдан узатиб берган тўпини Шерзод Аъзамов боши билан дарвозага аниқ йўналтирди – 2:0.

“Насаф” – “Сўғдиёна” 2:0 (0:0)

Тошкент. “Бунёдкор” стадиони футбол мактаби майдони.

Бошҳакам: Равшан Эрматов.

“Насаф”: Элдорбек Суюнов (Санжар Қувватов, 46), Мақсуд Каримов (Нажмиддин Нормуродов, 69), Илдар Маматказин (Шерзод Аъзамов, 46), Шуҳрат Муҳаммадиев (Дониёр Нарзуллаев, 67), Шароф Муҳиддинов (Сайдулла Раҳматов, 60), Эркин Бойдуллаев, Дилшод Раҳматуллаев (Дилшод Хушбаков, 62), Артур Геворкян (Акбар Муродов, 75), Азизжон Ғаниев (БАҳром Абдураҳимов, 46), Бобур Абдуҳолиқов (Ислом Рашидхонов, 70), Илҳом Шомуродов (Сирожиддин Қўзиев, 72).

Голлар: Бобур Абдуҳолиқов, Шерзод Аъзамов.