Ўзбекистон миллий терма жамоасига номзод ярим ҳимоячи Шоҳруҳ Гадоев эндиликда фаолиятини Баҳрайн Премьер Лигасида давом эттиришидан хабарингиз бор.
Баҳрайннинг етакчи клуби саналадиган “Муҳаррақ” матбуот хизматининг маълумот тарқатишича, 24 ёшли ўзбекистонлик футболчи янги жамоаси сафида майдонга тушиш учун рухсат олди. Энди Шоҳруҳ Гадоев шанба куни Қирол Кубоги доирасида “Манама” клубига қарши ўтадиган баҳсда “Ал Муҳаррақ” таркибида дебют қилиш имконига эга бўлади.
Таъкидлаб ўтамиз, Шоҳруҳ Гадоев “Муҳаррақ” билан ярим йилга мўлжалланган шартнома имзолади.
