26 январь куни Фарғонанинг “Нефтчи” клуби Жиззахнинг “Сўғдиёна” жамоасига қарши йиғиндаги сўнгги назорат учрашувида иштирок этди. Беллашув “Сўғдиёна” жамоасининг 2:0 ҳисобидаги ғалабаси билан якунланди.
Ўйинда ҳисобни “Сўғдиёна” очди. 48-дақиқада Музаффар Музаффаров жарима зарбасидан “Нефтчи” дарвозасини аниқ нишонга олди. 1:0. Навбатдаги тўпни ҳам рақибимиз киритди. 58-дақиқа ўтиб бораётган лаҳзада Абдумалик Абдуллаев ҳисобни 2:0 кўринишига олиб келди. Шундан сўнг баҳсда бошқа гол киритилмади.
Ўйинда иштирок этган футболчилар билан танишинг.
“Нефтчи”: Абдумавлон Абдужалилов, Сардор Қулматов, Шукур Пўлатов, Алишер Саматов, Дилёр Ирматов, Мухсин Убайдуллаев, Аббос Махсталиев, Бахтиёр Ёқубов, Сардор Эминов, Мансур Саидов, Отабек Исроилов.
Захирадан майдонга тушганлар: Ўткир Юсупов, Хусниддин Ғофуров, Жамшид Хошимов, Аббос Аблулхақов, Мурод Бобожонов, Бобур Фарходов, Илхом Бойдедаев.
“Сўғдиёна”: Темур Ғаниев, Элёр Орипов, Мурод Холмухамедов, Санжар Рашидов, Музаффар Музаффаров, Абдумалик Абдуллаев, Санжар Рихсибоев, Бобур Қосимов, Сарвар Жўраев, Акмал Холмуродов, Роббим Ҳасанов.
Захирадан майдонга тушганлар: Михаил Спиридонов, Қаҳрамон Баходиров, Шахзод Каримов, Акмал Абдураҳмонов.
Эслатиб ўтамиз, “Сўғдиёна”га қарши назорат баҳсидан сўнг “Нефтчи” жамоасининг Тошкентдаги йиғини якунланди. Бугун жамоага Фарғонага қайтади ҳамда “Ҳоким кубоги-2016”га тайёргарликни бошлайди.
Маълумот ўрнида, “Нефтчи” Тошкент шаҳрида бўлиб ўтган йиғинда 4 та назорат ўйини ўтказди. Фарғоналик футболчилар ушбу баҳсларнинг 2 тасида ғалаба қозонишган бўлса, сўнгги 2 назорат ўйинида мағлубиятлар қайд этилди.
Тошкент йиғинидаги ўртоқлик ўйинлари:
“Обод” – “Нефтчи” 1:2.
“Нефтчи” – “Истиқлол” 1:0
“Олмалиқ” – “Нефтчи” 1:0
“Сўғдиёна” – “Нефтчи” 2:0
“Нефтчи” ПФК матбуот хизмати.
