Бугун пойтахтимиздаги “Бунёдкор” академияси майдонида “Металлург” навбатдаги назорат учрашувини “Бухоро” клубига қарши ўтказди ва 0:2 ҳисобида имкониятни бой бериб қўйди. Ҳар иккала гол биринчи таймда киритилди. аввалига Санъат Шихов бурчакдан ўйинга киритиган тўпни голга айлантирган бўлса, кейин Дилшод Шарафетдинов муваффақият қозонди.
Бекободликлар таркибида шу куни “Бунёдкор-2” жамоасидан яна икки нафар янги ўйинчи синовдан ўтказилди. Кўрикдаги футболчилардан кимлар жамоада қолади, буни вақт кўрсатади.
“Металлург” ёшлари эртага “Оқтепа” жамоасига қарши назорат учрашувини ўтказса, асосий таркиб футболчилари 29 январда олий лиганинг янги вакили – “Обод” билан куч синашади.
"Металлург" - "Бухоро" – 0:2. Назорат учрашуви. 26.01.2016 . Тошкент. Голлар: Санъат Шихов (5), Дилшод Шарофетдинов (35). “Металлург”: Зафар Сафоев, Даврон Каримқулов, Ҳикмат Ҳошимов, Вусал Магеррамов (Улуғбек Худойбердиев), Мурод Тошматов, Фарҳод Намозов (Дилмурод Каримов), Аъюбхон Нўъмонов (Дониёр Одилов), Саид Абдужабборов, М.Сулаймонов (Эргаш Исмоилов), Му\аммад Қаҳрамонов (Сардор Расулов), Зоҳид Абдуллаев (Жавоҳир Эсонов).
"Бухоро": Асилбек Амонов, Сухроб Нематов, Павел Смоляченко, Максимилиан Фомин, Бобир Амонов, Алишер Санаев (Нозим Умуров), Алишер Шоғуломов (Жамолиддин Убайдуллаев), Баходир Пардаев (Нодир Давлатов), Санъат Шихов (Тимур Ҳакимов), Саламат Қуттибоев (Сардор Раҳмонов), Дилшод Шарофетдинов.
