"Кубань" жамоаси ярим ҳимоячиси саналган Андрей Аршавин жамоани тарк этди.
"Спорт-Экспресс" нашрида ёзилишича, мавсумнинг иккинчи давраси бошланиши олдидан 2 томоннинг розилиги асосида шартнома бекор қилинган.
34 ёшли бу футболчи жамоа билан иккинчи йиғинга йўл олмаган. Жамоа вакиллари 1 февралдан 14 февралга қадар Кипрда иккинчи йиғинни ўтказишади.
Маълумот учун, Аршавин "Кубань" билан 2015 йилнинг 13 июлида 1 йиллик шартнома имзолаганди. У жорий мавсумда жамоа учун 8та ўйин ўтказди ва биронта гол урмади.
"Кубань" Андрей Аршавинга ўтказилган вақт давомидаги ҳамкорлик учун миннатдорчилик билдиради ва унга келгуси фаолиятида муваффақият тилайди", дейилади жамоа расмий сайтида
