Сербиянинг “Явор” клуби ҳужумкор ярим ҳимоячиси Ҳусниддин Ғофуров яқинда Қатар яшил майдонларида ўтган 23 ёшгача бўлган футболчилар ўртасидаги Осиё чемпионатида қатнашганидан хабарингиз бор.
Сербия Суперлигасида жамоалар қисқа таътилга чиққани ҳақида хабар берган эдик. Шу сабабли Ҳусниддин Ғофуров 28 январдан “Явор” йиғинига бориб қўшилди. Айни дамда Иваница жамоаси Македониянинг Охрид шаҳрида ўқув-машғулот йиғини ўтказмоқда. Ҳамюртимиз ҳам “Явор”нинг мазкур йиғинида иштирок этмоқда. Иваницаликлар икки ҳафта давомида Охридда бўлишади.
Сербия Суперлигаси 20 февралдан давом этади. Ўша куни “Явор” 23-тур учрашувлари доирасида “Раднички” билан баҳс олиб боради.
