Аввал хабар қилганимиздек, Бирлашган Араб Амирлигида қишки ўқув-йиғин машғулотларини олиб бораётган “Насаф” жамоаси бугун Хитой суперлигасининг 5-поғонасини эгаллаган “Хэнань Цзянье” жамоасига қарши навбатдаги назорат учрашувини ўтказади.
Ўйин Дубайдаги “Жебел Али” меҳмонхонасига қарашли футбол майдонида бизнинг вақт билан 18:00да бошланади.
Мухлислар учун қизиқ бир маълумот, бугунги назорат учрашувида янги легионер футболчи кўрикдан ўтказилиши кутилмоқда, биздаги маълумотга асосан ушбу янги легионер европалик бўлиб, асосан чап қанотда ҳаракат қилади.
Янги легионер ҳақидаги батафсил маълумотларни кечки хабарларимиз орқали етказамиз.
