Хабарингиз бор, Испания Кубоги ярим финал дастлабки ўйинида "Барселона" ўз майдонида "Валенсия"га қарши баҳс олиб борди ва 7:0 ҳисобида зафар қучди. Мазкур учрашувнинг қаҳрамонларидан бирига айланган Луис Суарес учрашувдан сўнг ўз фикрлари билан ўртоқлашди.
- Менинг назаримда, "Барселона" бугун энг яхши ўйинларидан бирини намойиш қилди. Илк дақиқалардан биз ташаббусни ўз қўлимизга олиб, назоратни сақладик. Бугун менда барча нарса амалга ошди. Клуб совринларга эга чиқиши учун голлар киритяпман, - дейди 29 ёшли футболчи.
Эслатиб ўтамиз, мазкур учрашувда уругвайлик ҳужумчи "Валенсия" дарвозасини тўрт маротаба ишғол қилиб, "покер" муаллифига айланди.
