Қатар Юлдузлар лигасида 17-тур учрашувлари бўлиб ўтмоқда.

Мазкур тур доирасида ўзбекистонлик Санжар Турсунов тўп сураётган “Умм Салал” жамоаси ўз майдонида “Қатар СК” клуби билан ўзаро баҳс олиб борди. Курашларга бой кечган ўйинда 2:2 ҳисобидаги дуранг қайд этилди.

Учрашувнинг 39 дақиқасида Мунир Ал Ҳамдави ҳисобни очган бўлса, 68 дақиқада Сагбо майдон эгаларининг устунлигини оширди. Бироқ, учрашувнинг сўнгги дақиқаларида “Умм Салал” ғалабани қўлдан бой берди. 85 дақиқада Фадел Умар ҳисобни қисқартирган бўлса, учрашувнинг асосий вақтига қўшиб берилган сўнгги дақиқасида меҳмонлар ҳисобни тенглаштирди. Эмилиано пенальтидан унумли фойдаланиб, "Қатар СК"га бир очко олиб келди. 

Шу тариқа ўйин жанговар дуранг билан тугади. Мазкур турдан сўнг "Умм Салал" очколар сонини 24 тага етказиб, ҳозирча 5-ўринга кўтарилди. "Қатар СК" 11 очко билан турнир жадвалининг 13-поғонасини банд қилиб турибди. 

Эътиборли жиҳати, Ўзбекистон терма жамоаси аъзоси Санжар Турсунов ўйинни тўлиқ ўтказди.

“Умм Салал” – “Қатар СК”

Голлар: Мунир Ал Ҳамдави (39), Сагбо (68) – Фадел Умар (85), Эмилиано (90+5)