Бугун жамоамиз "Обод" клубига қарши назорат учрашуви ўтказди. Олий лиганинг янги вакили билан "лочинлар" дуранг қайд этишди. Биринчи бўлимда ҳисобни "навбаҳорчилар" очишга муваффақ бўлишди. Анвар Ражабовнинг амалга оширган жарима зарбасини рақиб дарвозабони қайтаришга ожизлик қилди. Шундан сўнг "Обод" футболчилари икки бор дарвозамиз тўрига тўп киритишни уддасидан чиқишди. Танаффусга қадар 2:1 ҳисоби сақаланиб қолди. Иккинчи бўлимда яна ташаббусни ўз қўлига олган Рашид Ғофуров шогирдлари ҳисобда мувозанатни тиклашни уддасидан чиқишди. Захирадан майдонга тушган Мўйдин Мамазулумов ҳисобни тенглаштиргач "Обод" дарвозаси олдида яна бир қатор хавфли вазиятлар юзага келди. Аммо ўйин охиригача 2:2 ҳисоби ўзгармай қолди.

Учрашувни "Навбаҳор" қуйидаги таркибда бошлади: Алибек Туробов, Тоҳир Шамсиддинов, Игорь Голан, Хайрулло Каримов, Обид Жўрабоев, Аъзам Алиев, Нодир Мавлонов, Акрам Бахритдинов, Анвар Ражабов, Шохжахон Аббосов, Олександр Пишур

. Захирадан майдонга тушганлар: Сардор Азимов, Азиз Ғуломхўжаев, Дилшод Жабборов, Тимур Аюпов, Қахрамон Махамаджонов, Отабек Валижонов, Санжар Асқаралиев, Алишер Маҳмудов, Мўйдин Мамазулумов.