Франция президенти Франсуа Олланд мамлакат футбол бўйича Европа чемпионатида тегишли хавфсизлик чораларини таъминлашга тайёр эканлигини маълум қилди. Бу ҳақда «ТАСС» хабар беради.
Stade de France стадионига Франция ва Италия терма жамоаларининг регби бўйича ўртоқлик учрашувига келган мамлакат президенти ушбу масалага тўхталди.
Бу Париждаги ноябрь терактларидан сўнг биринчи олий даражадаги спорт тадбиридир.
«Биз Евро—2016 ни ташкиллаштиришни истагандик ва бунинг учун бизда барча имкониятлар мавжуд. Ўйинчилар яхши чиқиш қила олиши ҳамда французлар ва кўп сонли сайёҳлар ўз ҳаёти учун хавотирланмаслиги учун хавфсизлик чораларига ўта талабчанлик билан ёндашишимиз зарур», — деди журналистларнинг саволларига жавоб берган Олланд.
