Тошкентдаги “Роҳат” меҳмонхонасида истиқомат қилаётган “Қўқон-1912” жамоаси машғулотларга зўр берган ҳолда йиғинни давом эттирмоқда. Бу ёғига ҳар бир кун ғанимат. Чемпионат баҳслари бошланишига ҳам оз вақт қолди. Бундан унумли фойдаланиб қолиш керак.
10 феврал куни жамоамиз 2-маҳал амалий ва 1 марта назарий машғулотлар ўтказди. Эрталабки машғулотларда асосан футболчиларга жисмоний юкламалар берилди. Улар кўпроқ югуриш машқларини бажаришди. Тушдан кейин эса назарий машғулотлар бўлиб ўтди.
Кечки машғулотларда эса асосан тўп билан ишланди ва назарий машғулотларда ўргатилган нарсалар амалда синаб кўрилди.
Эртага тўртинчи йиғин доирасидаги биринчи назорат учрашуви ўтказилади. Рақиб эса Жиззахнинг “Сўғдиёна” жамоаси.
