Франциянинг “Пари-Сен-Жермен” клуби раҳбарияти жамоа бош мураббийи Лоран Блан билан амалдаги шартномани узайтирди. Янги келишув 2018 йилнинг 30 июнига қадар имзоланди.
50 ёшли мутахассис билан амалдаги шартнома муддати шу йилнинг ёзида якунига етар эди. Франция чемпионатининг 25-туридан сўнг “ПСЖ” энг яқин таъқибчиси “Монако”ни 24 очкога ортда қолдирган ҳолда пешқадамлик қиляпти.
Эслатиб ўтамиз, Лоран Блан “ПСЖ”ни 2013 йили қабул қилиб олганди. Парижликлар унинг мураббийлигида икки бор Франция чемпионатида ғолиблик шохсупасига кўтарилишди. Мамлакат кубоги ва Лига кубогида зафар қучишди.