Мураббийлик фаолиятини 2007 йилдан “Шўртан” ПФК қошидаги футбол мактабида бошлаган ёш ва малакали мураббий Акмал Саиткулов воҳамизнинг болалар футболи ривожига ўзининг муносиб ҳиссасини қўшиб келмоқда.
Бугунги кунга қадар, Акмал Саиткулов 1994-1995-1998 йилларда туғилган ўсмирларга устозлик қилиб кўплаб иқтидорли ёш футболчиларни кашф этди.
2014 йил вилоят чемпионатида 4-ўрин, 2015 йил “Наврўз” кубоги ғолиби. 2015 йил “Вилоят кубоги” вице чемпиони, каби турли мусобақалар совриндори ҳисобланади. У ўсмирлар билан ишлашда катта тажрибага эга.
“Шўртан” ПФК жамоасига муносиб ўринбосарлар тайёрлаётган мураббий меҳнатларини ҳисобга олиб клуб раҳбарияти шу ойининг бошидан клуб ўринбосарлари жамоасига ёрдамчи мураббий этиб тайинлади.
Бундан буён Саиткулов “Шўртан” ўринбосарлари мураббийи Баҳодир Шаймардоновга кўмаклашади.
Фахриддин ЧОРИЕВ.
