Бугундан Малайзия Суперлигасида янги мавсум старт олди.

Жорий йилда Малайзияда бир қатор ҳамюртларимиз ўйнашидан хабарингиз бор. Бугун Воҳид Шодиев ҳамда Ойбек Қиличев ўйнаётган “Перак” клуби “Келантан”га қарши баҳс юритди. Ўйинда жамоалар ҳар қанча уринмасин, рақиб дарвозасини ишғол эта олишмади – 0:0. Шодиев ўйинни тўлиқ ўтказган бўлса, Қиличев майдонга тушмади.

Яна бир ҳамюртимиз Дилшод Шарофетдинов тўп сураётган “Т-Тим” жамоаси эса “Паҳанг” билан тўқнаш келди. Анчагина қизиқарли ўтган ўйинда 2:2 ҳисоби қайд этилди. Ҳамюртимиз 50 дақиқа майдонда ҳаракат қилди.

Лутфулла Тўраевнинг “Фелда Юнайтед”си “Кедаҳ”ни қабул қилди ва икки тўп фарқи билан зафар қучди. Диққатга сазовор жиҳати шундаки, ўйиндаги илк голни айнан ўзбекистонлик ярим ҳимоячи киритиб, ўзининг янги жамоасидаги голлари ҳисобини очиб олди.

Малайзия Суперлигаси-2016. 1-тур.

Фелда Юнайтед – Кедаҳ 2:0
Жоҳор ДТ – Селангор 1:1
Паҳанг – Т-Тим 2:2
ПДРМ ФА – Саравак ФА 1:0
Перак – Келантан 0:0
Теренггану – Пенанг 1:0