Ўзбекистон терма жамоаси аъзоси саналадиган тажрибали ҳужумчи Александр Гейнрих айни пайтда қўшни Қозоғистоннинг “Ордабаси” клуби шарафини ҳимоя қилмоқда.

Чимкент клуби айни пайтда Туркияда янги мавсумга ҳозирлик ишларини олиб бормоқда. Янги мавсум олдидан ўтказилаётган иккинчи йиғинда “Ордабаси” синов-назорат баҳсларида ҳам майдонга тушмоқда. Бугун чимкентликлар Гана U-23 терма жамоасига қарши баҳс олиб боришди.

Sports.kz нашрининг ёзишича, ҳамюртимиз ўйинни бошланғич таркибда бошлади. Анчагина қизиқарли тарзда ўтган матчда қозоқ клуби 3:1 ҳисобида зафар қучди.

Туркия йиғини доирасида “Ордабаси” навбатдаги ўйинини 17 феврал куни Белоруссиянинг “Белшина” клубига қарши ўтказади.