Хабарингиз бўлса, “Насаф”нинг БААда ўтказилган қишки ўқув-йиғин машғулотларига черногориялик янги легионер футболчи – Деян Больевич  қўшилган эди.

“Насаф” жамоаси билан Ўзбекистонга келган ушбу чап қанот ҳимоячисини тиббий кўрикдан ўта олмагани ҳақида кейин хабарлар тарқалди.

Аслида қандай бўлган эди? “Насаф” ПФК спорт директори Виталий Николаевичнинг бизга берган маълумотлари кўра, Деяннинг соғлиги жойида бўлиб, тиббиёт ходимлари расмий ўйингача вақт борлигини ҳисобга олишиб, 10 кун муддатда озроқ муолажа олишини тавсия қилишган. Ушбу муолажаларни тугатган Деян Болевич бугун тиббий кўрикдан муваффақиятли ўтиб, “Насаф” клуби билан шартнома имзолаган ва жамоа заявкасига киритилган.

Айни пайтда биз “Бунёдкор” стадионида бўлиб, жамоанинг ўйинолди машғулотларини кузатиб турибмиз. Деян Больевич жамоа билан машғулотларда иштирок этмоқда.

Демак, у эртага илк марта “Насаф” жамоаси сафида расмий учрашувда дебют қилиши мумкин. Чунки ушбу ўйинчи билан боғлиқ ҳамма расмиятчиликлар ниҳоясига етказилган. Бундан келиб чиқадики,  жамоанинг чап қанотида юзага келган муаммо ижобий ҳал этилди.

Ушбу хурсандчилик хабари эртага ҳам давом этишини умид қилиб қоламиз. Олға “Насаф”!

Ренат Эрназаров