Ўтган ҳафта Малайзия Суперлигасида янги мавсум старт олганидан хабарингиз бор.
Бугун жамоалар 2-тур учрашувларини ўтказишди. Бир неча дақиқа олдин барча ўйинлар якунланди.
Воҳид Шодиев ўйнаётган “Перак” клуби бу турда “Селангор” жамоаси уйига сафар уюштирди. Анчагина қизиқарли ўтган ўйинда “Перак” кичик ҳисобда имкониятни бой бериб қўйди. Ҳамюртимиз учрашувда 68 дақиқа ўйнади.
Яна бир ҳамюртимиз Дилшод Шарофетдинов тўп сураётган “Т-Тим” жамоаси эса мамлакатнинг гранд клубларидан бири – “Жоҳор Даърул Таъзим” билан баҳс юритди. Учрашувда “Жоҳор” 2 тўп фарқи билан зафар қучди. Ўзбекистонлик ярим ҳимоячи учрашувда тўлиқ ўйнади.
Яна бир ҳамюртимиз Лутфулла Тўраев ўйнаётган “Фелда Юнайтед” жамоаси бўлса бу турда ҳам ғалаба қозонди ва мусобақа жадвали етакчилигини қўлга олди. Жамоа сафарда “Саравак”ни 2:1 ҳисобида мағлуб этди. Ҳамюртимиз ўйинни илк дақиқаларданоқ майдонда бошлади.
Саравак – Фелда 1:2
Т-Тим – Жоҳор Даърул Таъзим 0:2
Перак – Селангор 0:1
Мусобақа жадвали:
