Футбол фаолиятидан четлаштирилган ФИФА собиқ президенти Йозеф Блаттернинг айтишича, 2022 йилги жаҳон чемпионати мезбонини аниқлаш бўйича жараёнда АҚШ ғолиб чиқиши кутилаётган вақтда Франция ҳукумати босими остида барчаси ўзгариб кетган.
"Ўшанда Платини менга қўнғироқ қилди ва ўзининг Франция ҳукумати раҳбари (Саркози - таҳририят) билан учрашгани, унга мамлакат манфаатлари учун Қатар номзодини қўллаб-қувватлаши кераклигини айтишганини билдирди. У АҚШ учун овоз бермаслигини ва Қатар ғолиб чиқишини таъминлашини айтди. Мен муаммо юзага келганини англадим, бироқ кеч бўлганди. Бу воқеа сайловга 1 ҳафта ёки 10 кун қолганида рўй берди. Натижада АҚШ 4та кам овоз билан ютқазди", дея Блаттернинг сўзларидан иқтибос келтиради The Guardian нашри.
Бундан олдинроқ Блаттер тартибга кўра 2018 йилги ЖЧ Европада, 2022 йилгиси Америкада ўтиши керак бўлгани ҳақида айтиб ўтганди.
