Йигирма иккинчи бор ўтказилаётган Қашқадарё вилояти ҳокими кубоги ярим финал баҳсларига етиб келди.

Ҳоким кубоги мусобақасининг ярим финалига йўл олган воҳанинг тўрт жамоаси бугун Қарши ва Муборак стадионларида ўзаро баҳс олиб боришади.

Тажрибали Бахтиёр Саттаров устозлигидаги “Машъал” клуби ўринбосарлари ўз майдонида клуб академияси тарбияланувчиларидан иборат – 1-лига вакили “Машъал-2”ни синовдан ўтказишади.

Ғузорнинг “Шўртан” жамоаси ёшлари  эса Қаршининг “Насаф” клуби ўринбосарлари билан ўзаро  ҳисоб-китоб қилишади.

Мазкур учрашув “Насаф” футбол мактаби  суъний қопламали майдонида бўлиб ўтади.

Ушбу учрашувларда ғолиб бўлган жамоалар бош соврин учун кураш олиб боришади.

Учрашувлар бугун соат 11:00 да бошланади.

Эслатиб ўтамиз, ўтган йили “Насаф” футбол мактаби тарбияланувчилари жамоаси ҳоким кубоги соҳиби бўлишган.

Фахриддин Чориев.