Ўзбекистонлик ёш ярим ҳимоячи Бобир Давлатовнинг Қозоғистоннинг “Актобе” жамоаси кўригида қатнашаётгани ҳақида хабар берган эдик.

Давлатов “Актобе”нинг Туркияда ташкил этган иккита мавсумолди йиғинида иштирок этди. Маълум бўлишича, ҳамюртимизнинг ҳаракатлари қозоқ клуби мураббийлар штабига маъқул келган. Шу туфайли “Актобе” ўзбек футболчисини олиб қолишни мўлжалламоқда. Бу ҳақда клуб бош директори Дмитрий Васильев маълум қилди.

Sports.kz нашрининг ёзишича, Васильев клуб ишқибозлари билан бўлган учрашув чоғида жамоанинг янги бошланадиган мавсумдаги тахминий таркибини санаб ўтди. Унда Бобир Давлатов номи ҳам тилга олинди.

“Актобе”нинг янги мавсум учун тахминий таркиби:

Дарвозабонлар: Станислав Павлов (1994), Самат Отарбаев (1990), Мухамбет Тамабай (1996), Игорь Трофимец (1996);

Ҳимоячилар: Самат Смаков (1978), Егор Азовский (1985), Багдат Каиров (1993), Марат Ситдиков (1991, Россия), Егор Сорокин (1995, Россия), Куасси Куаджа (1995, Кот-дъИвуар);

Ярим ҳимоячилар: Никита Бочаров (1992, Россия), Михаил Петролай (1994, Россия), Сандро Цвейба (1993, Россия), Бобир Давлатов (1996, Ўзбекистон), Исламбек Кулекенов (1994), Дидар Жалмукан (1996), Абылайхан Тотай (1992), Асланбек Какимов (1993);

Ҳужумчилар: Сергей Лисенков (1991).

Таъкидлаб ўтамиз, Бобир Давлатов ўтган мавсумнинг иккинчи қисмини Қозоғистоннинг “Жетису” клуби сафида ўтказганди