Фарғонанинг “Нефтчи” жамоаси сўнгги тайёргарлик босқичини Қиргулида давом эттираётганини маълум қиламиз. Яқиндагина Тошкент йиғинини якунлаб, қисқа таътилга чиққан “Нефтчи” вакиллари 25 февралдан Қиргулидаги қароргоҳда яна машғулотларга киришди. Бироқ жамоа илк машғулотларни тўлиқ таркиб билан ўтказмади. Боиси, айрим футболчилар ҳали таркибга келиб қўшилишга улгуришгани йўқ. Тез орада жамоа тўлиқ ҳолатга келади. Пайшанба куни бўлиб ўтган машғулотларда жароҳатидан фориғ бўлаётган Мансур Саидов, Жаҳонгир Меҳмонов ҳамда Илхом Бойдедаевлар алоҳида гуруҳ бўлиб шуғулланишди.