Бироз олдин хабар берганимиздек, бугун Фарғонанинг “Нефтчи” жамоаси янги мавсум олдидан таркибга қўшиб олган футболчиларини омма эътиборига таништирди.
Мазкур маросимда жамоа бош мураббий Андрей Фёдоров “Нефтчи” олдига янги мавсумда қандай вазифалар қўйилгани ҳақида гапириб ўтди.
- 2014-йили 8-ўринни эгаладик. Ўтган йили эса 5-ўрин билан чекладик. Эътибор берган бўлсангиз, натижалар яхшиланмоқда. Биз яна шу йўлдан кетамиз. Яъни йилдан-йилга натижаларни кўтариб боришни режа қилганмиз. Ўтган йили 5-ўринни қўлга киритган бўлсак, Олий лига-2016да ундан-да яхшироқ натижалар учун ўйнаймиз. Яширмайман, янги мавсумдан умидим катта, - дея тажрибали мутахассис фикрларидан иқтибос келтирмоқда клуб расмий сайти.
