Қўқон шаҳридаги “Марказий” ўйингоҳда ўтказилган “Қўқон-1912” – “Обод” учрашувида мезбонлар 1:0 ҳисобида ғалаба қозонишди. Ягона голни 74-дақиқада Илья Ильин киритди. Шундай қилиб жамоамиз мавсумни ғалаба билан бошлади.
Қуйида мазкур учрашувдан олинган фотомақола билан танишинг:
Мухлисларимиз катта футболни соғинишганди улар кутган онлар келди. Кеча “Марказий” стадионга олти ярим мингдан зиёд мухлис ташриф буюрди. Мухлислар ўйин бошланишидан анча олдин ўйингоҳга кела бошлашди.
Қўқон шаҳар ҳокими Акрамжон Анорқулович Абдуллаев мавсумни очиб бермоқда ва жамоамизга янги мавсумда омад тиламоқда.
Мамлакатимиз мадҳияси остида навбатдаги чемпионат байроғи кутарилмоқда.
Мавсумдаги биринчи учрашувда мухлислар иккита янгиликнинг гувоҳига айланишди.
Отабек Зокиров ўйин бошидаёқ рақиб посбонини доғда қолдириши мумкин эди. Аммо унинг боши билан берган зарбаси ноаниқ кетди.
Достон Турсунов ҳимояда бехато ўйнашга ҳаракат қилди.
Ойбек Нурбоев аутдан тўпни ўйинга киритмоқда.
Баҳодир Акрамов рақиблар қуршовида.
Учрашувда мана шундай кескин курашлар кўп бўлди.
Отабек Ҳайдаров ўйин якунланиши арафасида ҳакам томонидан қизил карточка билан жазоланди.
Фурқат Ҳасанбоев тўпни ўзига буйсундиришга уринмоқда.
Ҳар икки жамоа мураббийлари ўз шогирдларига кўрсатма беришмоқда.
Ҳаводаги кураш.
Мана шундай вазиятларнинг бирида гол киритилди.
Ушбу мавсумда жамоамизнинг биринчи голини тажрибали Илья Ильин киритди.
Ғалаба завқи. Мавсумни ғалаба билан бошлаш ёқимли.
“Қўқон-1912” жамоаси мухлислар клуби аъзолари бутун ўйин давомида футболчиларни шундай тарзда қўллаб-қувватлаб туришди.
Мазкур ғалабада мухлисларимизнинг ҳиссаси катта бўлди. Яна бир бор айтамиз. Биз мухлисларимиз билан фахрланамиз!
Ҳар икки жамоа бош мураббийлари ўйиндан кейинги матбуот-анжуманида иштирок этишди.
