“Бунёдкор” – “Нефтчи” учрашувидан кейинги матбуот анжуманининг иккинчи қисмида “қалдирғочлар” устози қатнашди.

- Ўйиндан қониқдим. Футболчилар берилган кўрсатмаларни тўлиқ бажаришди. Лекин камчиликлар ҳам йўқ эмас. Ҳужумларни ташкил этишда баъзи ҳолларда шошма-шошарликлар қилишди. Лекин чемпионатнинг биринчи учрашуви учун ёмон ўйнамадик. “Нефтчи” ҳақида гапирадиган бўлсам, улар кучли жамоа. Рақибни яхшилаб ўрганиб чиққандик. Сафимизда кўплаб ўйинчилар бор. Шу боис ҳаммага имконият берилади. Ротациялар албатта бўлади. Дилшод Аҳмадалиевни ўйинидан ҳам кўнглим тўлди. У олий лигада энди биринчи бор майдонга тушди. Вақт ўтиши билан янада яхшироқ ўйнай бошлайди. Карпенко тажрибали, ақилли ва ўйновчи мураббий. У исталган жамоа сафида тўлиқ ўйнай олади. Лекин “Бунёдкор”нинг сиёсати бошқача. Биз кўпроқ ёшларга имкон берамиз. Шу орқали терма жамоаларимизга ёш футболчилар етиштириб берамиз, - дейди Сергей Иванович.