Малайзияда Футбол Ассосиацияси кубоги 3-босқич ўйинлари ўтказилди.

Биласиз, ҳамюртимиз Дилшод Шарофетдинов ўйнаётган “Т-Тим” жамоаси иккинчи босқичдаёқ ушбу мусобақадан чиқиб кетганди. Кеча Лутфулла Тўраев ўйнаётган “Фелда Юнайтед” жамоаси “ПКНС” билан баҳс олиб борди. Анчагина қизиқарли тарзда ўтган матчда “Фелда Юнайтед” 2:3 ҳисобида мағлуб бўлди ва мусобақадаги иштирокини якунлади.

Яна бир ҳамюртимиз Воҳид Шодиев ўйнаётган “Перак” клуби эса 3-босқичда “Куантан”га қарши баҳс юритди. Мазкур матч тақдирини 3-дақиқада айнан Воҳид Шодиев томонидан киритилган гол ҳал қилди. Бу эса “Перак”нинг кейинги босқичга йўл олишига замин яратди.